Pietru Caxaru u l-Kantilena Tiegħu

Il-Kantilena hija l-eqdem poe_ija bil-Malti. Inkitbet mill-filosfu, oratur u poeta mill-Imdina, Pietru Caxaru, aktar minn 550 sena ilu. Sal-lum għadha tisraq qalb kulħadd u ssaħħarhom bil-ġmiel, id-dehen u s-siwi tagħha. Fih tiltaqa mal-awtur tal-Kantilena, ma min ittraskriviha, ma min sabha wara ħames sekli u mal-mod affaxxinanti ta' kif ġiet skoperta. Il-ktejjeb jagħtik ukoll ħafna informazzjoni oħra dwar il-Kantilena: attivitajiet li saru marbutin magħha, kif tista' taqraha u tifhimha, studji professjonali dwarha, xi żbalji fil-manuskritt fejn instabet, fejn hu midfun l-awtur tagħha, min kienet is-sieħba tiegħu, kif ukoll lista sħiħa tal-kitbiet kollha li, matul dawn l-aħħar sittin sena, ikkontribwew biex jinxteħet dawl aħjar fuqha u tingħata l-importanza li jixirqilha.